பராசக்தி படத்தின் முக்கிய அப்டேட் வெளியாகியுள்ளது.
சிவகார்த்திகேயனின் 25வது படமாக உருவாகும் திரைப்படம் தான் பராசக்தி. இந்த படத்தை இறுதிச்சுற்று, சூரரைப் போற்று ஆகிய படங்களை இயக்கி வெற்றி கண்ட சுதா கொங்கரா இயக்குகிறார். டான் பிக்சர்ஸ் நிறுவனம் இந்த படத்தை தயாரிக்க ஜி.வி. பிரகாஷ் இதற்கு இசையமைக்கிறார். ரவி கே. சந்திரன் இதன் ஒளிப்பதிவாளராக பணியாற்றுகிறார். இந்த படத்தில் சிவகார்த்திகேயனுடன் இணைந்து அதர்வா, ஸ்ரீலீலா ஆகியோர் முக்கிய கதாபாத்திரங்களில் நடிக்கின்றனர். நடிகர் ரவி இதில் வில்லனாக நடிக்கிறார். 
படமானது இந்தி திணிப்பை மையமாக வைத்து 1950 காலகட்டத்தில் நடப்பது போன்று எடுக்கப்படுகிறது. இந்த படத்தின் மீதான எதிர்பார்ப்பு ஆரம்பத்திலிருந்து அதிகமாக இருந்து வரும் நிலையில் இதன் படப்பிடிப்புகளும் ஏற்கனவே தொடங்கி மதுரை, சிதம்பரம் இலங்கை போன்ற பகுதிகளில் விறுவிறுப்பாக நடைபெற்றது. அதே சமயம் இப்படம் 2026 ஜனவரி 14ஆம் தேதி பொங்கல் தினத்தை முன்னிட்டு திரைக்கு வரும் என அறிவிக்கப்பட்டிருக்கிறது.
மேலும் இந்த படத்தின் டீசர் அடுத்த மாதம் வெளியாகும் என எதிர்பார்க்கப்படுகிறது. இந்த நிலையில் இந்த படத்தின் இறுதி கட்ட படப்பிடிப்பு தொடங்கப்பட்டுள்ளதாக சினிமா வட்டாரங்கள் தெரிவிக்கின்றன. ஆகையினால் விரைவில் ஒட்டுமொத்த படப்பிடிப்பும் நிறைவடைந்து படம் தொடர்பான அடுத்தடுத்த அப்டேட்டுகள் வெளியாகும் என நம்பப்படுகிறது. இந்த தகவல் ரசிகர்களுக்கு உற்சாகத்தை தந்துள்ளது.