நடிகர் சிம்பு கமல்ஹாசன் நடிப்பில் உருவாகயிருக்கும் புதிய படத்தில் முக்கிய கதாபாத்திரத்தில் நடிக்க இருப்பதாக கூறப்படுகிறது.
நடிகர் கமல்ஹாசன் தற்போது ஷங்கர் இயக்கத்தில் ‘இந்தியன் 2’ படத்தில் நடித்து வருகிறார். இந்தப் படத்தை அடுத்து எச்.வினோத் இயக்கத்தில் கமல் புதிய படத்தில் நடிக்க உள்ளார்.
அந்தப் படத்தை அடுத்து மணிரத்னம் இயக்கத்தில் கமல் நடிக்க உள்ளார். இந்தப் படத்தின் அறிவிப்பு சில மாதங்களுக்கு முன்பு வெளியாகியது.
‘நாயகன்’ படத்தை அடுத்து 35 வருடங்கள் கழித்து இந்தக் கூட்டணி மீண்டும் இணைகின்றனர். தற்போது ஒரு சுவாரசியத் தகவலாக சிம்பு இந்தப் படத்தில் நடிக்க இருப்பதாகக் கூறப்படுகிறது.
தற்போது சிம்பு கமலுக்கு நெருங்கிய வட்டாரத்தில் இருந்து வருகிறார். கமல் தயாரிக்கும் புதிய படத்தில் சிம்பு நடிக்க இருக்கிறார். எனவே கமல் இருக்கும் இடங்களில் அதிகமாக சிம்புவை பார்க்க முடிகிறது. விக்ரம் படத்தின் ஆடியோ வெளியீட்டு விழாவில் கூட சிம்பு கலந்து கொண்டார். மேலும் பொன்னியின் செல்வன் 2 ஆடியோ வெளியீட்டு விழாவில் கமலுடன் சிம்புவும் அங்கு காணப்பட்டார். இந்நிலையில் கமலுடன் இணைந்து நடிக்க சிம்பு தயாராகி உள்ளார். இது குறித்த அதிகாரப்பூர்வ அறிவிப்பு விரைவில் வெளிவரும் என்று பார்க்கப்படுகிறது.