சூது கவ்வும் 2 படத்தின் முக்கிய அப்டேட் வெளியாகியுள்ளது.
மிர்ச்சி சிவா நடிப்பில் உருவாக்கியுள்ள திரைப்படம் தான் சூது கவ்வும் 2. அதாவது சூது கவ்வும் 2- நாடும் நாட்டு மக்களும் என்று தலைப்பு வைக்கப்பட்டிருக்கும் இந்த படத்தினை எஸ் ஜே அர்ஜுன் எழுதி இயக்கியிருக்கிறார். ஏற்கனவே விஜய் சேதுபதி நடிப்பில் வெளியான சூது கவ்வும் முதல் பாகத்தை போல் இந்த படமும் டார்க் காமெடி ஜானரில் உருவாகியுள்ளது என்பது குறிப்பிடத்தக்கது.
இதில் மிர்ச்சி சிவா தவிர ரமேஷ் திலக், ராதாரவி, கருணாகரன், எம் எஸ் பாஸ்கர் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தை திருக்குமரன் என்டர்டெயின்மென்ட் நிறுவனமும் தங்கம் சினிமாஸ் நிறுவனமும் இணைந்து தயாரித்திருக்கிறது. மேலும் சண்முகா சினிமாஸ் படத்தினை வெளியிடுகிறது. எட்வின் லூயிஸ் விஸ்வநாத் இந்த படத்திற்கு இசையமைத்திருக்கிறார். கார்த்திக் கே தில்லை இதன் ஒளிப்பதிவு பணிகளை கவனித்துள்ளார். இந்த படமானது வருகின்ற டிசம்பர் மாதம் திரைக்கு வரும் என சமீபத்தில் படக்குழு அறிவித்திருந்தது. அதற்கு முன்னதாக இந்த படத்தில் இருந்து பர்ஸ்ட் லுக் போஸ்டர், டீசர் பாடல்கள் என அடுத்தடுத்து வெளியாகி ரசிகர்கள் மத்தியில் நல்ல வரவேற்பை பெற்றுள்ளது. 
இந்நிலையில் இந்த படத்தின் முக்கிய அறிவிப்பு நாளை (நவம்பர் 20) காலை 11 மணியளவில் வெளியாகும் என படக்குழு புதிய போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது.