மதராஸி படத்திற்கு தணிக்கை குழு வழங்கிய சான்று குறித்த விவரம் வெளியாகி உள்ளது.
தமிழ் சினிமாவில் தவிர்க்க முடியாத நடிகராக வலம் வரும் சிவகார்த்திகேயனின் 23வது படமாக உருவாகியுள்ள திரைப்படம் தான் மதராஸி. இந்த படத்தை பிரபல இயக்குனர் ஏ.ஆர். முருகதாஸ் இயக்கியுள்ளார். ஸ்ரீ லட்சுமி மூவிஸ் நிறுவனம் இந்த படத்தை தயாரித்திருக்கிறது. அனிருத் இந்த படத்திற்கு இசையமைத்துள்ளார். 
காதல் கலந்த ஆக்சன் படமாக உருவாகி இருக்கும் இந்த படம் 2025 செப்டம்பர் 5ஆம் தேதி உலகம் முழுவதும் திரைக்கு வர தயாராகி வருகிறது. இந்த படத்தில் சிவகார்த்திகேயனுக்கு ஜோடியாக ருக்மினி வசந்த் நடித்திருக்கிறார். மேலும் இவர்களுடன் இணைந்து விக்ராந்த், வித்யூத் ஜம்வால், பிஜு மேனன், சபீர் கல்லாரக்கல் ஆகியோர் நடித்திருக்கின்றனர். இந்த படத்தின் மீதான எதிர்பார்ப்பு மிகப்பெரிய அளவில் இருக்கும் நிலையில் தற்போது படத்தின் பின்னணி வேலைகள் மிகத் தீவிரமாக நடைபெற்று வருகிறது. 
இதற்கிடையில் இந்த படத்தில் இருந்து அடுத்தடுத்த பாடல்களும், ட்ரைலரும் வெளியாகி ரசிகர்களை வெகுவாக கவர்ந்துள்ளது. ட்ரைலரை பார்க்கும்போது இந்த படம் பக்கா கமர்சியல் படமாக உருவாகி இருக்கும்போல் தெரிகிறது. எனவே இப்படத்தை காண ரசிகர்கள் மிகுந்த ஆர்வத்துடன் காத்துக் கொண்டிருக்கின்றனர். இந்நிலையில் இந்த படத்திற்கு தணிக்கை குழு ‘யு/ஏ’ சான்றிதழ் வழங்கியுள்ளதாக படக்குழு போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளது. மேலும் இந்த படத்தின் ரன்னிங் டைம் 2 மணி நேரம் 47 நிமிடங்கள் இருக்கும் எனவும் தகவல் வெளியாகி வருவது குறிப்பிடத்தக்கது.