ஆனைமலை புலிகள் காப்பகத்திற்கு உட்பட்ட வனப்பகுதியில், ஒரு வயது மதிக்கத்தக்க ஆண் குட்டி யானை கடுமையான வயிற்று வலி காரணமாக உயிரிழந்த சம்பவம் வன ஆர்வலர்களிடையே சோகத்தை ஏற்படுத்தியுள்ளது.
ஆனைமலை புலிகள் காப்பக வனச்சரகத்திற்கு உட்பட்ட சேத்துமடை – பச்சைத் தண்ணீர் சுற்றுப் பகுதியில் வனத்துறையினர் நேற்று முன்தினம் தீவிர ரோந்துப் பணியில் ஈடுபட்டிருந்தனர். அப்போது நாகரூத்து என்ற இடத்தில் ஆண் குட்டி யானை ஒன்று விழுந்த நிலையில் இறந்து கிடப்பதைக் கண்டு அதிர்ச்சியடைந்தனர். இது குறித்து உயர் அதிகாரிகளுக்குத் தகவல் கொடுக்கப்பட்டதைத் தொடர்ந்து, நேற்று வனக்கால்நடை மருத்துவர்கள் முன்னிலையில் இறந்த யானைக்கு உடற்கூறாய்வு (Post-mortem) செய்யப்பட்டது. இன்று வெளியிடப்பட்டுள்ள அதன் மருத்துவ அறிக்கையில், “உயிரிழந்த யானைக்குச் சுமார் 1 வயது இருக்கும் என்றும், அதன் பெருங்குடலில் ஏற்பட்ட திடீர் அடைப்பு காரணமாகக் கடுமையான வயிற்று வலி ஏற்பட்டு அந்த யானை உயிரிழந்துள்ளது” என்றும் தெரிவிக்கப்பட்டுள்ளது.
ஆங்கில மோகம்…அழியும் அரசுப் பள்ளிகள் – நீலகிரியில் 10 ஆண்டுகளில் 27 பள்ளிகள் மூடல்!
