‘குப்பை வரி செலுத்தத் தயார், ஆனால் சுத்தமான பெங்களூரு வேண்டும்’: பிபிஎம்பியின் புதிய கழிவு மேலாண்மை கட்டணம் விவாதத்தைத் தூண்டுகிறது.
ஏப்ரல் 1 முதல் பெங்களூரு நகரம் முழுவதும் கழிவு சேகரிப்பு, குப்பை அகற்றலை மேம்படுத்துவதற்கான முயற்சியின் ஒரு பகுதியாக, மக்கள் கட்டாய திடக்கழிவு மேலாண்மை பயனர் கட்டணத்தை செலுத்த வேண்டும் என உத்தரவிடப்பட்டுள்ளது. ஏப்ரல் 1 முதல், பெங்களூரு சொத்து உரிமையாளர்கள் தங்களது வரி பில்களில் புதிய குப்பை பயனர் கட்டணம் சேர்க்கப்படும். இந்த நிதியை திறம்பட பயன்படுத்துவது குறித்து குடியிருப்பாளர்களுக்கு சந்தேகம் எழுந்துள்ளது.
இந்தக் கட்டண சேவை, இடைவெளிகளை நிவர்த்தி செய்யும் என்றும், ஆண்டுதோறும் ரூ.600 கோடி வருவாய் கிடைக்கும் என்றும் கர்நாடக வலியுறுத்துகிறது.
சொத்து உரிமையாளர்கள் தங்கள் வரியில் புதிய கட்டணத்தை செலுத்த வேண்டும். இந்தக் கட்டணம் வீடு வீடாகச் சென்று கழிவு சேகரிப்பு, குப்பைகளை அகற்றுதல் உள்ளிட்ட கழிவு மேலாண்மை சேவைகளை மேம்படுத்த உதவும் நோக்கம் கொண்டது. இருப்பினும், இந்த முயற்சி குடியிருப்பாளர்களிடையே சந்தேகங்களை கிளப்பி உள்ளது. அவர்கள் திட்டத்தின் வெளிப்படைத்தன்மை, செயல்திறன் குறித்து கவலைப்படுகிறார்கள்.
பெங்களூரு கழிவு சேகரிப்பு கட்டண அமைப்பு,கடந்த நவம்பரில் பெங்களூரு திடக்கழிவு மேலாண்மை நிறுவனம் முன்மொழிந்து நகர்ப்புற மேம்பாட்டுத் துறையால் அனுமதிக்கப்பட்ட புதிய கட்டணத்தை கர்நாடக அரசு அங்கீகரித்தது. இது ஆண்டுதோறும் சுமார் ரூ.600 கோடியை ஈட்டும் என்று எதிர்பார்க்கப்படுகிறது. இதன் மூலம் அதிக வருமானம் கிடைக்கும். இந்தக் கட்டணம் சொத்து வரியில் இணைக்கப்படும், மேலும் கட்டுமானப் பகுதியைப் பொறுத்து மாறுபடும். 600 சதுர அடிக்குக் குறைவான சொத்துக்களுக்கு மாதத்திற்கு ரூ.10 முதல் 4,000 சதுர அடிக்கு மேல் உள்ள சொத்துக்களுக்கு ரூ.400 வரை கட்டணங்கள் இருக்கும்.
மொத்தக் கழிவுகளை உருவாக்குபவர்களின் மீதான தாக்கம் . அடுக்குமாடி குடியிருப்புகள் மற்றும் அலுவலகக் கட்டிடங்கள் போன்ற பெரிய கழிவுகளை உருவாக்குபவர்களுக்கு, அங்கீகரிக்கப்பட்ட நிறுவனங்களைப் பயன்படுத்தாவிட்டால், அரசு ஒரு கிலோ பதப்படுத்தப்படாத கழிவுகளுக்கு ரூ.12 வசூலிக்கும். இது வீட்டுவசதி சங்கங்கள் மற்றும் வணிக நிறுவனங்களுக்கான செயல்பாட்டுச் செலவுகளை அதிகரிக்கக்கூடும்.
குடியிருப்பாளர்கள் வெளிப்படைத்தன்மையைக் கோருகிறார்கள், “நான் குப்பை வரியைச் செலுத்தத் தயாராக இருக்கிறேன், ஆனால் அதற்கு ஈடாக ஒரு சுத்தமான பெங்களூருவை நான் எதிர்பார்க்கிறேன். அமைச்சர்களும், அதிகாரிகளும் நிதியை வெளிப்படையாகவும், தவறாகப் பயன்படுத்தப்படாது என்பதை உறுதி செய்ய வேண்டும். அவர்கள் பணத்தைத் தவறாகச் செலவிட்டால், கருட புராணம் அவர்களுக்கு ஒரு சிறப்பு இடத்தைப் பிடித்து தரும்,” என்று ஒரு குடியிருப்பாளர் தனது அதிருப்தியை தெரிவித்துள்ளார். இது பலரின் கவலைகளை அதிகரித்துள்ளது.
தற்போதுள்ள திடக்கழிவு மேலாண்மை வரி மாறாமல் இருந்தாலும், சேவை நிலைகளில் உள்ள இடைவெளிகளை நிவர்த்தி செய்வதற்காக புதிய கட்டணம் வடிவமைக்கப்பட்டுள்ளது. என்றபோதிலும், பல குடிமக்கள் இந்த அமைப்பின் செயல்பாடுகள் குறித்து சந்தேகம் எழுந்துள்ளது என்று குடியிருப்பு உரிமையாளர்கள் தெரிவிக்கிறார்கள்.
அச்சுறுத்தலாகும் தெருநாய்க்கடி: ஒன்றினைந்து தீர்வு காண வேண்டும் – அன்புமணி அறிவுறுத்தல்