அமெரிக்க டாலருக்கு நிகரான இந்திய ரூபாயின் மதிப்பு எப்போதும் இல்லாத அளவு வரலாறு காணாத வீழ்ச்சியை கண்டுள்ளது. இன்று ஒரு டாலரின் மதிப்பானது இந்திய ரூபாயில் 84.40 பைசாவாக சரிந்துள்ளது.
அமெரிக்க டாலருக்கு நிகரான இந்திய ரூபாயின் மதிப்பு, நேற்று ரூ.84.39 ஆக சரிந்ததைத் தொடர்ந்து, இன்று ஆரம்ப வர்த்தகத்தில் ரூ.84.40-ஐ எட்டியது. தொடர்ந்து வெளிநாட்டு நிதி வெளியேற்றம், உலகளவில் டாலரை வலுப்படுத்துவது, உள்நாட்டு பணவீக்கம் போன்றவையே ரூபாயின் மதிப்பு சரிவுக்குக் காரணம்.
தொடர்ச்சியாக 5வது வாரமாக, இந்தியாவின் அந்நியச் செலாவணி கையிருப்பு குறைந்துள்ளது. இது ரிசர்வ் வங்கி டாலரை விற்றதன் காரணமாக இருக்கலாம். தற்போது, இந்தியாவின் அந்நியச் செலாவணி கையிருப்பு 682 பில்லியன் டாலராக உள்ளது. முன்பு 704 பில்லியன் டாலரில் இருந்து குறைந்துள்ளது. உலகளாவிய கச்சா எண்ணெய் அளவுகோல், எதிர்கால வர்த்தகத்தில் ஒரு பீப்பாய்க்கு 0.25 சதவீதம் உயர்ந்து 72.07 டாலராக இருக்கும்.
உள்நாட்டு பங்குச் சந்தையில் சென்செக்ஸ் 210.66 புள்ளிகள் அல்லது 0.27 சதவீதம் குறைந்து 78,464.52 புள்ளிகளில் வர்த்தகம் செய்யப்பட்டது. நிஃப்டி 100.45 புள்ளிகள் அல்லது 0.42 சதவீதம் சரிந்து 23,783.00 புள்ளிகளாக இருந்தது.
சில்லறை பணவீக்கம் 14 மாதங்களுக்குப் பிறகு அக்டோபர் மாதத்தில் 6.21 சதவீதமாக உயர்ந்தது.
நுகர்வோர் விலைக் குறியீட்டின் (சிபிஐ) அடிப்படையிலான பணவீக்கம் செப்டம்பர் மாதத்தில் 5.49 சதவீதமாகவும், அதற்கு முந்தைய ஆண்டில் 4.87 சதவீதமாகவும் இருந்தது.
இதே நிலை தொடர்ந்தால், குறுகிய காலத்தில் ரூபாய் மதிப்பு 84.50 – 84.80 வரை செல்லக்கூடுமென, சந்தை நிபுணர்கள் கணித்து உள்ளனர். அமெரிக்காவின் பெடரல் ரிசர்வ் வங்கியின் வட்டி விகித குறைப்பு முடிவே இதற்கு காரணம்
அமெரிக்க அதிபர் தேர்தலில் டிரம்ப் வெற்றியை தொடர்ந்து, டாலரின் மதிப்பு, பிற நாட்டு கரன்சிகளின் மதிப்புக்கு எதிராக தொடர்ச்சியாக அதிகரித்து வருகிறது.