சினிமா திரையில் வரும் காதல்களை விட, நிஜ வாழ்க்கையில் எதேச்சையாக மலரும் காதல்களுக்கு எப்போதும் ஒரு தனி மவுசு உண்டு. அந்த வகையில், கடந்த சில நாட்களாக இணையவாசிகளை தன்பக்கம் ஈர்த்துள்ளது ஒரு நெகிழ்ச்சியான காதல் கதை. அதன் நாயகன் தான் நம் ‘பஞ்ச்’(Punch).
யார் இந்த பஞ்ச்?
பெயரைப் பார்த்ததும் இது ஏதோ ஆக்ஷன் படம் என்று நினைத்துவிட வேண்டாம். ஜப்பானின் புகழ்பெற்ற மிருகக்காட்சிசாலையில் வசித்து வரும் ஒரு குட்டி குரங்கின் பெயர் தான் ‘பஞ்ச்’. தனது கூட்டத்தில் மற்ற குரங்குகளுடன் ஒட்ட முடியாமல், எப்போதும் ஒரு மூலையில் தனியாகவே அமர்ந்து சோகமாக காணப்பட்ட பஞ்ச்-ன் வீடியோக்கள் ஏற்கனவே வைரலாகி இருந்தன.
தனிமையில் தவித்த பஞ்ச்-ன் இந்த நிலைமையைக் கண்டு நெட்டிசன்கள் பலரும் “பாவம் இந்த குட்டி பஞ்ச்” என்று வருத்தம் தெரிவித்து வந்தனர்.
மலர்ந்த காதல்: அந்தத் துணை யார்?
பஞ்ச்-ன் தனிமையைப் போக்க மிருகக்காட்சிசாலை நிர்வாகம் எடுத்த ஒரு முயற்சி தான் இப்போது “காதலாக” மலர்ந்துள்ளது. அதே பிரிவைச் சேர்ந்த மற்றொரு பெண் குரங்கை பஞ்ச்-க்கு துணையாக அறிமுகப்படுத்தினர். ஆரம்பத்தில் தயங்கிய பஞ்ச், இப்போது அந்தத் துணையுடன் இணைபிரியாமல் சுற்றி வருகிறது.
இப்போது பஞ்ச் தனியாக சாப்பிடுவதில்லை. இருவரும் இணைந்து மரத்திற்கு மரம் தாவி விளையாடும் காட்சிகள் பார்வையாளர்களை நெகிழச் செய்துள்ளன. இவர்களின் இந்த ‘கியூட்’ஜோடி வீடியோக்கள் இப்போது இன்ஸ்டாகிராம் மற்றும் ட்விட்டர் தளங்களில் லட்சக்கணக்கான பார்வைகளைக் கடந்து ட்ரெண்டாகி வருகிறது.
“யார் சொன்னது பஞ்ச்-க்கு ஆக்ஷன் மட்டும் தான் வரும் என்று? இப்போது ரொமான்ஸிலும் கலக்குகிறான்!” என ரசிகர்கள் கமெண்ட் செய்து வருகின்றனர். தனிமையில் தவித்த ஒரு உயிருக்கு சரியான நேரத்தில் கிடைத்த இந்தத் துணை, அன்பிற்கு மொழி தேவையில்லை என்பதை மீண்டும் நிரூபித்துள்ளது.
டெல்லியில் பயங்கர தீ விபத்து: ஒரே குடும்பத்தைச் சேர்ந்த 3 குழந்தைகள் உட்பட 7 பேர் உயிரிழப்பு!