தங்கம் விலை குறைந்தது! இன்றைய நிலவரம்

தங்கம் விலை குறைந்தது! இன்றைய நிலவரம்

வாரத்தின் முதல் நாளான இன்று ஆபரண தங்கத்தின் விலை சவரனுக்கு ரூ.40 குறைந்து ரூ.45,400-க்கு விற்பனை செய்யப்படுகிறது.

அதிக விலை காரணமாக கடந்த ஜனவரி மாதம் முதல் மார்ச் மாதம் வரை இந்தியாவின் தங்கத்தின் தேவை 17 சதவீதமாக குறைந்துள்ளதாக உலக தங்க கவுன்சில் அறிவித்துள்ளது. 2022 ஆம் ஆண்டின் இதே காலாண்டில் ஒட்டுமொத்தமாக தங்கத்தின் தேவை 135.5 டன்களாக இருந்தது. இந்த அளவு தற்போது 17 சதவீதம் குறைந்து 112.5 டன்களாக உள்ளது. விலை சரிவை எதிர்பார்த்து பல்வேறு தரப்பினரும் தங்கத்தில் முதலீடு செய்வதை ஒத்திவைத்ததால் தேவையில் சரிவு ஏற்பட்டுள்ளது.

இந்நிலையில் இன்றைய நிலவரப்படி, சென்னையில் ஒரு சவரன் ஆபரணத் தங்கம் ரூ.40 குறைந்து ரூ.45,400- க்கு விற்பனை செய்யப்படுகிறது. கிராமுக்கு ரூ.5 குறைந்து ரூ. 5,675-க்கு விற்பனையாகிறது. சென்னையில் ஒரு கிராம் வெள்ளியின் விலை 40 காசுகள் குறைந்து ரூ.78.60-க்கு விற்பனை செய்யப்படுகிறது. மேலும் ஒரு கிலோ வெள்ளி ரூ. 78,600- க்கும் விற்பனை செய்யப்படுகிறது.

கடந்த வாரங்களில் சர்வதேச சந்தையில் தங்கம் விலை சரிந்தும் இந்தியாவில் தங்கம் விலை ஏறுமுகத்தில் இருந்தது. மும்பையில் 24 கேரட் தங்கம் 10 கிராம் ரூ.61,940-க்கு விற்பனைச் செய்யப்பட்டது.