டிட்வா புயல் தாக்கம் குறித்து மாநில அவசரகால மையத்தில் அமைச்சர் கே.கே.எஸ்.எஸ்.ஆர். ராமசந்திரன் டெல்டா மற்றும் கடலோர மாவட்ட ஆட்சியர்களுடன் ஆலோசனை மேற்கொண்டாா்.
சென்னை சேப்பாக்கம் எழிலகத்தில் உள்ள மாநில அவரசகால செயல்பாட்டு மையத்தில் அமைச்சர் கே.கே.எஸ்.எஸ்.ஆர்.ராமசந்திரன் டெல்டா மற்றும் வடகடலோர மாவட்ட ஆட்சிகள் உடன் காணொளி காட்சி வாயிலாக ஆலேசானை மேற்கொண்டார்.
நேற்று முதலமைச்சர் மு.க.ஸ்டாலின் மாவட்ட ஆட்சியர்கள் உடன் ஆலோசனை மேற்கொண்ட நிலையில் இன்று டெல்டா மாவட்டங்களான தஞ்சாவூர் திருவாரூர்,நாகப்பட்டினம்,மயிலாடுதுறை புதுக்கோட்டை மற்றும் கடலூர் விழுப்புரம் ராமநாதபுரம் நாகப்பட்டினம் உள்ளிட்ட மாவட்ட ஆட்சியர்களுடன் காணொளி காட்சி மூலமாக அமைச்சர் ஆலோசனை மேற்கொண்டாா்.
இந்த ஆலோசனையில் அந்தெந்த மாவட்டங்களில் எடுக்கப்பட்டுள்ள முன்னெச்சரிக்கை நடவடிக்கைகள்,தயார் நிலையில் உள்ள மீட்பு படைகள்,முகாம் இல்லங்கள் தொடர்பாக மாவட்ட ஆட்சியர்களிடம் கேட்டறிந்து அவர்களுக்கு அமைச்சர் ஆலோசனை வழங்கினார்.
அமைச்சர், அனைத்து மாவட்டங்களிலும், போர்க்கால அடிப்படையில் பணிகளை முன்னெடுத்துச் செல்ல வேண்டும் என்பதைக் கேட்டுக் கொண்டார். பாதிக்கக்கூடிய இடங்களில் மீட்புப் படைகள் உடனடியாக சேரும் வகையில் 24 மணிநேரமும் தயாராக வைக்க வேண்டும் என்றும் அறிவுறுத்தினார்.
தாழ்வான பகுதிகளிலிருந்து மக்கள் பாதுகாப்பான முகாம்களுக்கு மாற்றப்பட வேண்டும். முகாம்களில் உணவு, குடிநீர் மற்றும் அவசியப் பொருட்கள் போதுமான அளவில் இருக்க வேண்டும் என்றும் அமைச்சர் வலியுறுத்தினார்.
ஆலோசனை முடிந்த பின் செய்தியாளர்களிடம் பேசிய அமைச்சர் கே.கே.எஸ்.எஸ்.ஆர்.ராமசந்திரன், டிட்வா புயல் தாக்கம் குறித்து இதுவரை 1264 புகார்கள் வந்துள்ளதையும், அதில் 1200 புகார்கள் உடனடியாக தீர்க்கப்பட்டுள்ளன என தெரிவித்தார்.
புயலால் பெரிய சேதம் இல்லை உயிரிழப்புகள் ஏதும் பதிவாகவில்லை 16 கால்நடைகள் மட்டுமே உயிரிழந்துள்ளன, 24 குடிசைகள் சேதம் அடைந்துள்ளன என தற்போது வரை சேத மதிப்பீடு தெரிவிக்கிறது.
மாநிலத்தில் 28 தேசிய பேரிடர் மீட்புக் குழுக்கள் (NDRF) தயாராக உள்ளன கூடுதலாக 10 விமான மீட்புக் குழுக்கள் கோரப்பட்டுள்ளன. தேவையெனில் முதலமைச்சர் மேலும் அணிகளை அழைப்பார். சென்னை மற்றும் விழுப்புரத்திற்கு தலா 5 தேசிய மீட்புக் குழுக்கள் கூடுதலாக அனுப்பப்படும் எனவும் கூறினார். மழை பெய்து வரும் மாவட்டங்களில் அமைச்சர்கள் நேரடியாக களத்தில் சென்று கண்காணித்து வருவதாகவும் அவர் குறிப்பிட்டுள்ளாா்.
டிட்வா புயல் குறித்த எச்சரிக்கைகள், மீட்பு வழிகாட்டுதல்கள் உள்ளிட்ட தகவல்கள் 1 கோடியே 24 லட்சம் மக்களுக்கு குறுஞ்செய்தி மூலம் அனுப்பப்பட்டுள்ளதாக அமைச்சர் தெரிவித்துள்ளாா்.
கடல்சீற்றம் அதிகரித்துள்ளதால் மக்கள் கடற்கரைக்கு செல்ல வேண்டாம் என்றும், இந்த புயலால் ஏதேனும் உயிரிழப்பு ஏற்படக் கூடாது என முதல்வர் ஸ்டாலின் வலியுறுத்தியிருப்பதை அமைச்சர் நினைவூட்டினார். எந்த துறை அதிகம் பாதிக்கப்பட்டுள்ளது என்பதைப் பரிசீலித்து, அந்த துறையின் கூடுதல் அலுவலர்களை சம்பந்தப்பட்ட மாவட்டங்களுக்கு அனுப்ப நடவடிக்கை எடுக்கப்படும் எனவும் அமைச்சர் தெரிவித்தார்.
இலங்கைக்கு உதவிக்கரம் நீட்டிய இந்தியா… 80 டன் நிவாரண பொருட்களுடன் சென்ற விமானம்…