சென்னை உயர்நீதிமன்றத்தின் அதிரடி உத்தரவுகள்- ஊத்தங்கரை எம்.எல்.ஏ பேரம் வழக்கு விசாரணை சிபிஐ-க்கு மாற்றம் சட்டப்பேரவைக்கு முன் விஜய் அரசுக்கு அடுத்தடுத்த சட்டச் சிக்கல்கள்!

​சட்டமன்றக் கூட்டத்தொடர் மற்றும் வரவிருக்கும் நிதிநிலை அறிக்கை (பட்ஜெட்) தாக்கலை ஒட்டி அரசியல் களம் சூடுபிடித்துள்ள நிலையில், மெட்ராஸ் உயர்நீதிமன்றம் பிறப்பித்துள்ள சில முக்கிய உத்தரவுகள் அரசியல் வட்டாரத்தில் பெரும் பரபரப்பை ஏற்படுத்தியுள்ளன. குறிப்பாக, ஊத்தங்கரை தவெக எம்.எல்.ஏ இளையராஜா தொடர்பான விவகாரத்தில், இவ்வழக்கை தமிழ்நாடு காவல்துறை விசாரிக்கக் கூடாது என்றும், சிபிஐ (CBI) விசாரிக்க வேண்டும் என்றும் கோரப்பட்டுள்ள வழக்கில் நீதிமன்றத்தின் நடவடிக்கைகள் தீவிரமடைந்துள்ளதாகத் தகவல்கள் வெளியாகியுள்ளன

​ஊத்தங்கரை எம்.எல்.ஏ விவகாரமும் சிபிஐ விசாரணை கோரிக்கையும்
​கடந்த சில வாரங்களுக்கு முன்பு, தவெகவைச் சேர்ந்த ஊத்தங்கரை எம்.எல்.ஏ இளையராஜா அவர்கள் ஒரு குற்றச்சாட்டை முன்வைத்திருந்தார். அதாவது, திமுக தரப்பில் சபாநாயகருக்கு எதிரான தீர்மானத்தின்போது வாக்களிக்க வேண்டும் எனக்கூறி 35 கோடி ரூபாய் பேரம் பேசப்பட்டதாக அவர் புகார் அளித்திருந்தார் இதன் அடிப்படையில் கைது நடவடிக்கைகள் மற்றும் பல்வேறு சட்டப் போராட்டங்கள் அரங்கேறின

​இந்நிலையில் இந்த வழக்கில் தொடர்புடைய தரப்பினர், தமிழ்நாடு காவல்துறை உள்நோக்கத்துடன் தவறான கோணத்தில் இந்த வழக்கை விசாரிக்கிறது எனவே இந்த வழக்கை சிபிஐ விசாரிக்க வேண்டும் என்று மெட்ராஸ் உயர்நீதிமன்றத்தில் மனு தாக்கல் செய்திருந்தனர். இந்த வழக்கை விசாரித்த உயர்நீதிமன்றத் தலைமை நீதிபதி தர்மேந்திரா மற்றும் நீதிபதி அருள்முருகன் அடங்கிய அமர்வு, தமிழ்நாடு காவல்துறை இந்த வழக்கை விசாரிப்பதற்குத் தடை விதித்ததுடன், இதுதொடர்பான விசாரணைகளை மேலும் முடக்கியுள்ளது இந்த வழக்கு சிபிஐ விசாரணைக்குச் செல்லும் பட்சத்தில், இது தொடர்பான அரசியல் பின்னணிகள் வெளிச்சத்துக்கு வரும் என எதிர்பார்க்கப்படுகிறது

​உதயநிதி ஸ்டாலின் கைது விவகாரமும் நீதிமன்றத்தின் தலையீடும்
​அரசியல் களத்தில் மற்றொரு முக்கிய நிகழ்வாக, உதயநிதி ஸ்டாலின் கைது மற்றும் விடுதலை தொடர்பான வழக்கில் நீதிமன்றத்தில் காரசாரமான வாதங்கள் நடைபெற்றன சட்டமன்றக் கூட்டத்தொடருக்கு முன்னதாக அரசியல் ரீதியான நகர்வுகளாகப் பார்க்கப்பட்ட இத்தகைய நடவடிக்கைகளுக்கு நீதிமன்றம் உரிய தருணத்தில் தலையிட்டுத் தடுத்துள்ளது சட்டப்பேரவை நிகழ்வுகளை எதிர்கொள்ளும் முன்பாக அரங்கேறிய இந்தச் சட்டப்போராட்டங்கள் மாநில அரசியலில் பெரும் விவாதப் பொருளாக மாறியுள்ளன.

​எதிர்க்கட்சி எம்.எல்.ஏக்களின் ராஜினாமா மற்றும் இடைத்தேர்தல் தடை
​மேலும், அதிமுக உள்ளிட்ட எதிர்க்கட்சிகளில் இருந்து விலகி தவெக பக்கம் வந்த எம்.எல்.ஏக்களின் ராஜினாமா மற்றும் குதிரைபேர வழக்குகள் தொடர்பான விவகாரமும் நீதிமன்றத்தின் கவனத்திற்கு வந்துள்ளது மக்களால் தேர்ந்தெடுக்கப்பட்ட பிரதிநிதிகள் தங்கள் பதவிகளை ராஜினாமா செய்துவிட்டு மாற்றுக்கட்சியில் இணைந்து மீண்டும் போட்டியிடுவது தொடர்பான நடைமுறைகளுக்கு எதிராகத் தொடரப்பட்ட வழக்குகளில், சம்பந்தப்பட்ட தொகுதிகளுக்கான இடைத்தேர்தல் அறிவிப்புக்கு மெட்ராஸ் உயர்நீதிமன்றம் இடைக்காலத் தடை விதித்துள்ளது இந்த விவகாரமும் சிபிஐ விசாரணைக்கு உட்படுத்தப்படலாம் என்ற எதிர்பார்ப்பு நிலவுகிறது

​​வரவிருக்கும் பட்ஜெட் கூட்டத்தொடரை எதிர்நோக்கி ஆளுங்கட்சியும் எதிர்க்கட்சிகளும் வியூகங்களை வகுத்து வரும் சூழலில், உயர்நீதிமன்றத்தின் அடுத்தடுத்த அதிரடி உத்தரவுகள் தமிழக அரசியலில் பெரும் திருப்பங்களை ஏற்படுத்தியுள்ளன இந்தச் சட்டச் சிக்கல்களை விஜய் அரசு எவ்வாறு எதிர்கொள்ளப் போகிறது என்பதைப் பொறுத்திருந்துதான் பார்க்க வேண்டும்

உதயநிதி கைது நடவடிக்கை குறித்து பிரேமலாதா விஜயகாந்த் கடும் கண்டனம்!