எர்ணாகுளத்தில் இருந்து பெங்களூரு செல்லும் வந்தே பாரத் எக்ஸ்பிரஸ் ரயில் இன்று (ஆகஸ்ட் 25) 2 மணி நேரம் 45 நிமிடங்கள் தாமதமாகப் புறப்படும் எனத் தெற்கு ரயில்வே அதிகாரப்பூர்வமாக அறிவித்துள்ளது.
மாற்றி அமைக்கப்பட்ட நேரம்
எர்ணாகுளம் சந்திப்பு (ERS) – பெங்களூரு கேஎஸ்ஆர் (SBC) இடையே இயக்கப்பட்டு வரும் வந்தே பாரத் எக்ஸ்பிரஸ் (வண்டி எண்: 26652) ரயில், வழக்கமாக எர்ணாகுளத்தில் இருந்து மதியம் 2.20 மணிக்கு புறப்பட வேண்டியதாகும். ஆனால் நிர்வாகக் காரணங்களால், இந்த ரயில் இன்று மதியம் 2.20 மணிக்குப் பதிலாக 2 மணி நேரம் 45 நிமிடங்கள் தாமதமாக, மாலை 5.05 மணிக்கு எர்ணாகுளத்தில் இருந்து புறப்படும் என அறிவிக்கப்பட்டுள்ளது.
பயணிகளுக்கு வேண்டுகோள்
ரயில் புறப்படும் நேரம் மாற்றி அமைக்கப்பட்டுள்ளதால், பயணிகள் அதற்கேற்பத் தங்களது பயணங்களைத் திட்டமிட்டுக் கொள்ளுமாறு தெற்கு ரயில்வே கேட்டுக்கொண்டுள்ளது. ரயிலின் நேர மாற்றம் குறித்த விரிவான விவரங்கள் மற்றும் தற்போதைய நிலவரங்களை பயணிகள் 139 என்ற கட்டணமில்லா தொலைபேசி எண் மூலமாகவோ அல்லது ரயில்வேயின் அதிகாரப்பூர்வச் செயலி மூலமாகவோ அறிந்துகொள்ளலாம் எனத் தெரிவிக்கப்பட்டுள்ளது.
கான்பூரில் நடந்த ஷாக்கிங் சம்பவம்! குப்பைக் கிடங்கில் குவிந்த மக்கள்… வைரலாகும் பதறவைக்கும் வீடியோ!