நடிகர் சிவகார்த்திகேயன் சென்னையில் தனது நற்பணி மன்ற நிர்வாகிகளை சந்தித்து பேசினார். தமிழகம் முழுவதிலும் இருந்து ஏராளமான ரசிகர்கள் மற்றும் நிர்வாகிகள் இந்த சந்திப்பில் கலந்து கொண்டனர்.
இந்த நிகழ்ச்சியில் பேசிய சிவகார்த்திகேயன், விமர்சனங்களைப் பற்றி கவலைப்படாமல் தங்களுடைய நோக்கத்தில் தெளிவாக இருக்க வேண்டும் என்று ரசிகர்களுக்கு அறிவுரை வழங்கினார்.
“விமர்சிப்பவர்கள் எப்போதும் விமர்சித்துக் கொண்டுதான் இருப்பார்கள்”
தங்களை விமர்சிப்பவர்கள் தொடர்ந்து விமர்சித்துக் கொண்டுதான் இருப்பார்கள் என்றும், அதனால் அதில் கவனம் செலுத்தாமல் தங்களுடைய இலக்கில் தெளிவாக இருக்க வேண்டும் என்றும் சிவகார்த்திகேயன் கூறினார்.
தானும் ரசிகர்களும் அன்பின் காரணமாக ஒன்றாக இருப்பதாக குறிப்பிட்ட அவர், ரசிகர்கள் நன்றாக படித்து, நன்றாக சம்பாதிக்க வேண்டும் என்றும் அறிவுறுத்தினார். குடும்பத்துக்கு எப்போதும் முன்னுரிமை அளிக்க வேண்டும் என்றும் அவர் வலியுறுத்தினார்.
தினமும் புத்தகம் படியுங்கள்!
மேலும், தினமும் குறைந்தது 15 நிமிடங்களாவது புத்தகங்களை படிக்க வேண்டும் என்று சிவகார்த்திகேயன் கேட்டுக்கொண்டார். தொடர்ந்து படிப்பதன் மூலம் சிந்தனை திறன் மேம்படும் என்றும், சமூக வலைதளங்களில் இருந்து விலகி இருப்பதற்கு புத்தக வாசிப்பு சிறந்த மாற்றாக இருக்கும் என்றும் அவர் தெரிவித்தார்.
தன்னை மக்கள் உருவாக்கிய நட்சத்திரம் எனக் குறிப்பிட்ட சிவகார்த்திகேயன், தனது வளர்ச்சிக்கு ரசிகர்களின் அன்பும் ஆதரவும் முக்கிய காரணம் என்றும் கூறினார்.
இதற்கிடையே, சிவகார்த்திகேயன் நடித்து வரும் ‘சேயோன்’ திரைப்படத்தின் படப்பிடிப்பு சுமார் 60 சதவீதம் நிறைவடைந்துள்ளதாகவும், படம் பொங்கல் 2027 வெளியீட்டை நோக்கி தயாராகி வருவதாகவும் தகவல் வெளியாகியுள்ளது.
“உங்களில் யாரையும் விடமாட்டேன்” – AI வீடியோ விவகாரத்தில் கடும் எச்சரிக்கை விடுத்த ஜூனியர் என்டிஆர்!