சென்னை அம்பத்தூரில் விளையாட்டு பொருட்கள் வைக்கப்பட்டிருந்த குடோனில் பயங்கர தீ விபத்து ஏற்பட்டுள்ளது.
5 மணி நேரத்திற்கும் மேல் போராடி தீயை அணைத்தனர்.
சென்னை அம்பத்தூர் டெலிபோன் எக்ஸ்சேஞ்ச் அருகே யுவராஜ் என்பவருக்கு சொந்தமான விளையாட்டு பொருட்கள் குடவுன் உள்ளது. இந்த குடவுனுக்கு அருகில் உள்ள தனியார் திருமண மண்டபத்தில் நிகழ்ச்சியின் போது பட்டாசு வெடிதுள்ளனர். இதன் காரணமாக அதிலிருந்த தீ பொறியானது கடையின் வெளிப்புறத்தில் வைக்கப்பட்டிருந்த ரப்பர் மேட்டில் பட்டுள்ளது.இதனை தொடர்ந்து அந்த ரப்பர் மேட் தீ பிடித்து எரிய துவங்கி வேகமாக பரவி உள்ளது .
இதனால் குடோனில் வைக்கப்பட்டிருந்த மற்ற விளையாட்டு பொருட்களில் பரவி தீ விபத்து ஏற்பட்டுள்ளது. உடனடியாக அருகில் இருந்தவர்கள் தீயணைப்பு துறைக்கு தகவல் தெரிவித்துள்ளனர். தகவல் அறிந்து விரைந்து வந்த அம்பத்தூர் தொழிற்பேட்டை தீயணைப்பு வீரர்கள் தீயை அணைக்கும் பணியில் ஈடுபட்டனர்.மேலும் பல்வேறு வகையான ரப்பர் பொருட்கள் உள்ளே அதிகளவில் இருந்ததால் தீயானது மேலும் மள மள வென பரவ தொடங்கி உள்ளது.இதனால் தீயை கட்டுபடுத்த முடியாமல் தீயணைப்பு வீரர்கள் சிரமம் அடைந்தனர்.
இதனை தொடர்ந்து மேலும் ஜெ.ஜெ நகர், ஆவடி, உள்ளிட்ட அருகாமையில் இருந்த தீயணைப்பு நிலைய வாகனங்கள் கூடுதலாக வரவழைக்கபட்டு தீயை அணிகும் பணியில் ஈடுபட்டனர்.இந்த தீ விபத்தால் அப்பகுதி முழுவதுமாக புகை சூழ்ந்து காணப்பட்டது.மேலும் சிலருக்கு மூச்சு திணறல் உள்ளிட்ட பாதிப்புகள் ஏற்பட்டன.5 மணி நேரத்திற்கும் மேலாக தீயணைப்பு வீரர்கள் போராடி தீயை கட்டுக்குள் கொண்டு வந்தனர்.
தீ விபத்து ஏற்பட்டுள்ள பகுதி பிரதான சாலை என்பதால் போக்குவரத்து நெரிசல் ஏற்பட்டு வாகன ஓட்டிகள் சிரமம் அடைந்துள்ளனர். இந்த தீ விபத்து குறித்து போலீசார் வழக்கு பதிந்து விசாரணை மேற்கொண்டு வருகின்றனர். தீ விபத்து காரணமாக பல லட்சம் மதிப்பிலான பொருட்கள் தீயில் எரிந்து கருகி நாசமாகி உள்ளதாக கூறப்படுகிறது.இந்த விளையாட்டு பொருட்கள் உள்ள குடவுன் உரிமையாளர் பல உள்ளூர் மற்றும் வெளிநாடுகளில் விளையாட்டு வீரர்களுக்கு பயிற்சி அளிக்கும் பிரபல பயிற்சியாளர் என்பது குறிப்பிடத்தக்கது.்