spot_imgspot_imgspot_imgspot_img
Homeசெய்திகள்ஆவடிஅம்பத்தூரில் இளைஞரை வாகனத்தில் விரட்டி கொலை செய்ய முயன்ற ஆறு பேர் கொண்ட மர்ம கும்பல்...

அம்பத்தூரில் இளைஞரை வாகனத்தில் விரட்டி கொலை செய்ய முயன்ற ஆறு பேர் கொண்ட மர்ம கும்பல் – பொதுமக்கள் அதிர்ச்சி

-

- Advertisement -

சென்னை அம்பத்தூரில் இருசக்கர வாகனத்தில் சென்ற இளைஞரை ஓட ஓட வாகனத்தில் விரட்டி வந்த ஆறு பேர் கொண்ட மர்ம கும்பல், சரமாரியாக வெட்டி கொலை செய்ய முயற்ச்சியில் ஈடுபட்ட சம்பவம் பரபரப்பை ஏற்படுத்தியுள்ளது. தலை, கை உள்ளிட்ட பல்வேறு இடங்களில் பலத்த வெட்டுக்காயத்துடன்  உயிருக்கு ஆபத்தான நிலையில் மீட்கப்பட்ட இளைஞர் மருத்துவமனையில் அனுமதிக்கப்பட்டுள்ளார்.

சென்னை பெரம்பூர் பகுதியை சேர்ந்த யஸ்வந்த் இவர் புழல் பகுதியில்  இருந்து அம்பத்தூர் நோக்கி வந்து கொண்டிருக்கும் பொழுது பின் தொடர்ந்து இரண்டு இரு சக்கர வாகனத்தில் வந்த மர்ம நபர்கள் 6 பேர் அம்பத்தூர் அருகே புதூர் சாலையில் இருசக்கர வாகனத்தை மடக்கி  கீழே தள்ளி மறைத்து வைத்திருந்த பட்டாகத்திகளை எடுத்து சரமாரியாக தலை, கை, கால் உள்ளிட்ட பல்வேறு பகுதியில் வெட்டியுள்ளனர். அப்பகுதியில் பொதுமக்கள் குவியத் தொடங்கியதை அடுத்து வெட்டிவிட்டு மர்ம நபர்கள் தப்பி சென்றுள்ளனர்.

we-r-hiring

அம்பத்தூரில் இளைஞரை வாகனத்தில் விரட்டி கொலை செய்ய முயன்ற ஆறு பேர் கொண்ட மர்ம கும்பல் – பொதுமக்கள் அதிர்ச்சி

அருகில் இருந்தவர்கள் காவல் கட்டுப்பட்டு அறைக்கு தகவல் தெரிவித்ததும் சம்பவ இடத்திற்கு விரைந்து வந்த அம்பத்தூர் போலீசார் யஸ்வந்த்-ஐ மீட்டு 108 ஆம்புலன்ஸ் மூலமாக ஆவடி அரசு மருத்துவமனைக்கு சிகிச்சைக்கு அனுப்பி வைத்தனர். அங்கு அவருக்கு முதலுதவி சிகிச்சை அளிக்கப்பட்டு பின்னர் கீழ்பாக்கம் அரசு மருத்துவமனைக்கு மேல் சிகிச்சைக்காக அனுப்பி வைத்தனர்.

இச்சம்பம் குறித்து அம்பத்தூர் போலீசார் வழக்கு பதிவு செய்து யஸ்வந்தை யார் பின் தொடர்ந்து வந்தார்கள், எதற்காக வெட்டினார்கள் ஏதேனும் முன் விரோதம் இருக்கிறதா அல்லது காதல் விவகாரமா அல்லது வேறு ஏதேனும் பிரச்சினையா என்ற பல்வேறு கோணத்தில் வழக்கு பதிவு செய்து விசாரணை மேற்கொண்டு வருகின்றனர்

அம்பத்தூர் காவல் ஆய்வாளர் டெல்லி பாபு தலைமையில் தனிப்படைகள் அமைத்து கொலையாளிகளை தீவிரமாக தேடி வரும் நிலையில், சம்பவம் நடந்த இடத்தில் பொருத்தப்பட்டிருந்த சிசிடிவி கேமரா பதிவான காட்சிகளை  வைத்து சோதனை மேற்கொண்டு வருகின்றனர்

அம்பத்தூரில் பிரதான சாலையில் ஆள் நடமாட்டம் மிகுந்த பகுதியில் அரங்கேறிய இந்த கொலை முயற்சி சம்பவம் அப்பகுதியில் பெரும் பரபரப்பை ஏற்படுத்தியுள்ளது.

MUST READ