அதிமுகவில் இருந்து அடுத்து யார் த.வெ.க.வில் இணைவார்கள் என்று வெளியே சொன்னால் பிரச்சனை உருவாகும் என செங்கோட்டையன் கூறியுள்ளாா்.
சென்னை ஆழ்வார்பேட்டையில் உள்ள தனது இல்லத்தில் தமிழக வெற்றி கழகத்தின் நிர்வாக குழு தலைமை ஒருங்கிணைப்பாளர் செங்கோட்டையன் செய்தியாளர்களை சந்தித்த போது, “ஒரு புதிய இயக்கம் ஆட்சிக்கு வர வேண்டும் என மக்கள் நினைக்கின்றார்கள். எல்லோரும் புதிய வராக வரவேண்டும் என்று த.வெ.க தலைவர் சுற்றுப் பணத்தை மேற்கொண்டு பல்வேறு பணிகளை ஆற்றிவருகிறார். 2026 என்பது மக்கள் சக்தியால் ஆட்சி பீடத்தில் அமரும் காலம் உருவாகும் 2026 தமிழக வெற்றி கழகம் ஆட்சியில் அமர பாடுபடுவேன் என்று கூறினாா். உங்களை தொடர்ந்து அதிமுகவிலிருந்து யாரும் சேர்வார்களா என்ற கேள்விக்கு, அதைச் சொன்னால் பிரச்சனை உருவாகும் என செங்கோட்டையன் பதில் அளித்தாா்.
அடுத்த பிரச்சாரம் எப்போது என்ற கேள்விக்கு, நேற்று தான் கட்சியில் இணைந்துள்ளேன். இன்று சொந்த நிகழ்வுக்காக கோவை செல்கிறேன், அதில் கலந்து கொண்டு வந்த பின், தலைவருடன் கலந்து பேசி என்ன முடிவுகளை மேற்கொள்ளலாம் என்பது குறித்து அவர் கருத்தை கேட்டுச் சொல்கின்றேன் எனவும் பதிலளித்தாா். நான் எப்படி செயல்பட்டு இருக்கிறேன் என்பது உங்களுக்கு தெரியும் , எந்த நிலையில் நின்று பாடுபடுவேன் என்று நீங்கள் அறிவீர்கள். அந்த நிலையில் நின்று ஆட்சி மாற்றத்தை உருவாக்கி விஜய் தலைமையில் தமிழகத்தில் வெற்றி நடை போடுவதற்கு அயராது உழைப்பேன் என செங்கோட்டையன் பேட்டியளித்துள்ளாா்.
பான், ஆதார்டு உள்ளவர்கள் கட்டாயம் டிசம்பர் 31க்குள் இதை செய்யுங்கள்….
