தமிழக சட்டப்பேரவைக் கூட்டத்தொடரில் திமுக முன்னாள் அமைச்சர் ரகுபதியின் விவாதத்திற்குப் பதிலளித்து உரையாற்றிய நிதி அமைச்சர் மரிய வில்சன், திமுக அரசின் கடந்த கால நிதியியல் செயல்பாடுகளைக் கடுமையாகச் சாடிப் பேசினார்.
முன்னதாகப் பேசிய திமுக உறுப்பினர் ரகுபதி, மாநிலத்தின் கடன் நிலை குறித்து எழுப்பிய கேள்விகளுக்குப் பதிலளித்துப் பேசிய நிதி அமைச்சர் மரிய வில்சன், “திமுக ஆட்சிக் காலத்தில் தமிழ்நாட்டின் கடன் சுமை வரலாறு காணாத வகையில் உயர்த்தப்பட்டுச் சென்றுள்ளது. ஒவ்வொரு குடிமகனின் தலையிலும் ரூ. 1.28 லட்சம் கடன் சுமையைச் சுமத்திவிட்டுச் சென்றது திமுக அரசுதான்” என்று குற்றம்சாட்டினார். தொடர்ந்து பேசிய அவர், “ஒவ்வொருவர் மீதும் ரூ.1.28 லட்சம் கடனை வைத்துவிட்டுச் சென்றுள்ளார்களே… இந்த வரிசையில் ஒவ்வொருவர் மீதுள்ள கடனிலும் உங்கள் கட்சித் தலைவர் அடங்குவாரா?” என்று சட்டப்பேரவையில் கேள்வி எழுப்பியவாறு பதிலடி கொடுத்தார்.
தமிழகத்தின் நிதி நிலை குறித்த வெள்ளையறிக்கையை மேற்கோள் காட்டிப் பேசிய நிதி அமைச்சர், மாநிலத்தின் நேரடிக் கடன் ரூ.10 லட்சம் கோடியைத் தாண்டியுள்ளதாகவும், பொதுத்துறை நிறுவனங்களின் கடன்களையும் சேர்த்து மொத்தம் ரூ.13.18 லட்சம் கோடி அளவிற்கு நிதிப் பற்றாக்குறையும் கடன் சுமையும் நிலவுவதாகவும் குறிப்பிட்டார். திமுக உறுப்பினர்களின் குறுக்கீடுகளுக்கு இடையே நடைபெற்ற இந்த விவாதம் சட்டப்பேரவையில் பெரும் பரபரப்பை ஏற்படுத்தியது.
