தேசிய மருத்துவ ஆணையம் மற்றும் இந்திய பொது சுகாதார தர நிர்ணயம் பரிந்துரை படி செவிலியர்கள் அதிகளவில் பணியமர்த்த வேண்டும் என செவிலியர்கள் சங்கம் அரசுக்கு கோரிக்கை வைத்துள்ளது.
சென்னை எழும்பூரில் செவிலியர்கள் சங்கத்தினர் பல்வேறு கோரிக்கைகறை வலியுறுத்தி தர்ணா போராட்டத்தில் ஈடுபட்டனர். குறிப்பாக ஒரு நாள் அடையாள தர்ணா போராட்டத்தில் ஈடுபட்ட செவிலியர்கள் அரசுக்கு கோரிக்கைகளை வலியுறுத்தும் விதமாக முழக்கங்களை எழுப்பினர்.
தொடர்ந்து பேட்டியளித்த செவிலியர் சங்க தலைவர் சசிகலா, திமுக அரசின் தேர்தல் வாக்குறுதியில் ஒப்பந்த செவிலியர்கள் அனைவரையும் பணி நிரந்தரம் செய்வதாக கூறியதை நிறைவேற்றிட வேண்டும். தமிழகத்தில் 18500 நிரந்தர பணியிடங்களும், 12500 ஒப்பந்த பணியிடங்களும் உள்ளது. இதில், 40%க்கும் மேல் நிரந்தர தன்மையற்ற தொகுப்பூதிய பணிநிடங்களாகவே உள்ளது. தேசிய மருத்துவ ஆணையம் மற்றும் இந்திய பொது சுகாதார தர நிர்ணயங்கள் பரிந்துரை படி நோயாளிகளின் எண்ணிக்கைக்கு ஏற்ப செவிலியர்கள் எண்ணிக்கை இல்லை.
இதனால் செவிலியர்களின் எண்ணிக்கையை உயர்த்தினால் தரமான சிகிச்சைகள் வழங்க முடியும். சம வேலைக்கு சம ஊதியம் திட்டத்தை நடைமுறை படுத்த வேண்டும். செவிலியர்கள் குறைவாக இருந்தாலும் தரமான சிகிச்சைகள் வழங்கி ஒன்றிய அரசின் பல விருதுகளை பெற்று வருகிறோம். அதனால் திமுக தெரிவித்த வாக்குறுதிகளை நிறைவேற்றி தர வேண்டும் என செவிலியர்கள் சங்கம் வேண்டுகோள் வைக்கிறது என கூறியுள்ளா்.
அதிமுகவுக்கு எதிராக வசைபாடுபவர்களின் வாயை, நீதிமன்றத்தின் துணையோடு அடைப்போம்- இன்பதுரை ஆவேசம்