வரவிருக்கும் 2029 மக்களவைத் தேர்தலுக்கான பிரதமர் வேட்பாளர் ராகுல்காந்திதான் என்பதில் எந்தவொரு சந்தேகமும் இல்லை என்றும், தமிழகத்தில் முதலமைச்சர் விஜய் சிறப்பான நல்லாட்சியை வழங்க வேண்டும் என்றும் காங்கிரஸ் நாடாளுமன்ற உறுப்பினர் மாணிக்கம் தாகூர் தெரிவித்துள்ளார்.
கூட்டணி விவகாரங்கள் மற்றும் பிரதமர் வேட்பாளர் குறித்த சர்ச்சைகளுக்குப் பதிலளித்துப் பேசிய மாணிக்கம் தாகூர் எம்பி கூறியதாவது:
பிரதமர் வேட்பாளர் ராகுல்காந்தி:
எதிர்க்கட்சிகளின் கூட்டணியைப் பொறுத்தவரை ராகுல்காந்திதான் பிரதமர் வேட்பாளர் என்பதில் மாற்றுக்கருத்து இல்லை. தமிழகத்தில் முதலமைச்சர் விஜய் தலைமையிலான அரசு மக்களுக்கு நல்லாட்சியைக் கொடுக்க வேண்டும் என்பதே அனைவரின் விருப்பம்.
நரித் தந்திரங்கள் முறியடிப்பு:
ராகுல்காந்திக்கும் முதலமைச்சர் விஜய்க்கும் இடையிலான நட்பு மற்றும் உறவு மிக பலமாக உள்ளது. இருவருக்கு இடையே விரிசல் ஏற்படுத்த நினைக்கும் அரசியல் எதிரிகளின் நரித் தந்திரங்களை முறியடிப்போம்.
கூட்டணிக்குள் எந்தவிதக் குழப்பமும் இல்லை என்றும், முதலமைச்சர் விஜய்யும் ராகுல்காந்தியும் தொடர்ந்து நல்லிணக்கத்துடன் செயல்பட்டு வருவதாகவும் தெரிவித்த அவரது கருத்து தற்போதைய அரசியல் சூழலில் முக்கியத்துவம் பெற்றுள்ளது.