ஆகஸ்ட் 25 அன்று சென்னையில் பாரதிய ஜனதா கட்சியின் மாநிலத் தலைவர் கே.அண்ணாமலை ஆற்றிய உரையில், திமுக, அதிமுக-வை கடுமையாக விமர்சித்துள்ளார்.
திமுகவும் பாஜகவும் 1999ஆம் ஆண்டு போல் கூட்டணி அமைக்க பரிசீலித்து வருகின்றன எனவும் பிரதமர் நரேந்திர மோடி மற்றும் பாதுகாப்பு அமைச்சர் ராஜ்நாத் சிங் நினைவேந்தல் நிகழ்ச்சியைத் தொடங்கிவைத்ததை அடுத்து ஊகங்கள் தொடங்கியுள்ளது.
திமுகவும் பாஜகவும் ரகசிய கூட்டணியில் இருப்பதாக பழனிசாமியே குற்றம் சாட்டினார்.
திமுகவுடன் கூட்டணி இருக்காது என்பதைத் தெளிவுபடுத்திய அண்ணாமலை, அதன் தவறான ஆட்சியால் மாநிலம் பொருளாதாரத்தில் இரண்டாவது நிலையில் இருந்ததை இழக்கச் செய்துவிட்டதாகவும், விரைவில் கர்நாடகா இரண்டாவது நிலைக்கு முந்திவிடும் என்றும் கூறியுள்ளார்.
மனநலம் பாதிக்கப்பட்டவர் போல அண்ணாமலை பேசி வருகிறார்: ஆர்.பி.உதயகுமார் கடும் விமர்சனம்
அடுத்த 25 ஆண்டுகளுக்கு மற்ற சிறிய மாநிலங்கள் ஒரு தொலைநோக்கு பார்வையுடன் செயல்படும் எனவும் அதே வேளையில், தமிழக அரசு ஒரு குடும்பத்தின் நலனுக்காக மட்டுமே செயல்படுகிறது, என்று அவர் மேலும் கூறினார்.
அ.தி.மு.க., குறித்து பேசிய அவர், தமிழகத்தில், பா.ஜ.க ஆட்சியை பிடிக்க வேண்டும் என்றால், தனி பலத்தில் நிற்க வேண்டும். மாநிலத்தில் திமுக, அதிமுக இரண்டும் அரசியல் எதிரிகள். எடப்பாடி பழனிசாமி தலைமையிலான அதிமுக, அதிக விலைக்கு காத்திருக்கும் ஏல முகவராக மாறியுள்ள நிலையில், திமுக ஒரு தீய சக்தியாக உள்ளது.
எம்.ஜி.ராமச்சந்திரன், ஜெ.ஜெயலலிதா போன்ற தலைவர்களின் காலத்தில் இருந்த தனித்துவத்தை அதிமுக இழந்துவிட்டது.