நாளை (ஏப்ரல் 23) விடுமுறை அளிக்காத நிறுவனங்கள் மீது கடும் நடவடிக்கை எடுக்கப்படும் என அர்ச்சனா பட்நாயக் எச்சரித்துள்ளாா்.
தமிழகத்தில் நடைபெற உள்ள வாக்குப்பதிவை முன்னிட்டு, நாளை (ஏப்ரல் 23) மாநிலம் முழுவதும் சம்பளத்துடன் கூடிய பொது விடுமுறை அறிவிக்கப்பட்டுள்ளது. தேர்தலில் பொதுமக்கள் சுதந்திரமாகவும் சிரமமின்றியும் வாக்களிக்க வேண்டும் என்பதற்காக இந்த நடவடிக்கை எடுக்கப்பட்டுள்ளது.
ஆனால், சில தனியார் நிறுவனங்கள் இந்த அறிவிப்பை பின்பற்றாமல், ஊழியர்களை பணிக்கு வருமாறு அழைத்துள்ளதாக தகவல்கள் வெளியாகியுள்ளன. இந்த நிலையில், அதிகாரி அர்ச்சனா பட்நாயக் கடும் எச்சரிக்கை விடுத்துள்ளார். அரசு அறிவித்துள்ள பொது விடுமுறையை வழங்காத நிறுவனங்கள் மீது கடுமையான நடவடிக்கை எடுக்கப்படும் என அவர் தெரிவித்துள்ளார்.
மேலும், இத்தகைய முறைகேடுகள் குறித்து பொதுமக்கள் மற்றும் ஊழியர்கள் புகார் அளிக்க வசதியாக கட்டுப்பாட்டு அறையும் அமைக்கப்பட்டுள்ளதாக கூறப்பட்டுள்ளது. எனவே, அனைத்து நிறுவனங்களும் அரசு அறிவிப்பை மதித்து, ஊழியர்களுக்கு சம்பளத்துடன் கூடிய விடுமுறை வழங்க வேண்டும் என்பதோடு, ஜனநாயக கடமையான வாக்களிப்பில் அனைவரும் பங்கேற்கும் வகையில் ஒத்துழைக்க வேண்டியது அவசியமாகிறது.
செல்வப்பெருந்தகையின் குற்றச்சாட்டுகள் உண்மைக்கு புறம்பானவை – வருமான வரித்துறை விளக்கம்