Homeசெய்திகள்தமிழ்நாடுதேர்தல் வாக்குறுதி என்னாச்சு?? 1,695 ஒப்பந்த செவிலியர் பணியிடங்களுக்கு அறிவிப்பு.. ‘பணி நிரந்தரம் கோர இயலாது’...

தேர்தல் வாக்குறுதி என்னாச்சு?? 1,695 ஒப்பந்த செவிலியர் பணியிடங்களுக்கு அறிவிப்பு.. ‘பணி நிரந்தரம் கோர இயலாது’ என்ற நிபந்தனையால் சர்ச்சை!

-

- Advertisement -

TN Invites Applications for 1,695 Contractual Nurse Posts with ‘No Permanency’ Clause; Contrasts with TVK’s 2026 Poll Manifesto
தமிழக மருத்துவம் மற்றும் மக்கள் நல்வாழ்வுத் துறையின் கீழ் செயல்படும் தேசிய நலவாழ்வுக் குழுமம் (NHM-TN) சார்பில், மாநிலம் முழுவதும் 1,695 செவிலியர் (Staff Nurse) பணியிடங்களைத் தற்காலிக ஒப்பந்த அடிப்படையில் நிரப்புவதற்கான அறிவிப்பு வெளியிடப்பட்டுள்ளது
. “5 ஆண்டுகள் பணி அனுபவம் பெற்ற தற்காலிகப் பணியாளர்கள் நிரந்தரம் செய்யப்படுவார்கள்” எனத் தமிழக வெற்றிக் கழகம் தனது 2026 தேர்தல் அறிக்கையில் வாக்குறுதி அளித்திருந்த நிலையில், தற்போது வெளியிடப்பட்டுள்ள அரசின் அறிவிப்பில் “பணி நிரந்தரம் கோர இயலாது” எனத் திட்டவட்டமாகக் குறிப்பிடப்பட்டிருப்பது  சர்ச்சையை ஏற்படுத்தியுள்ளது.

அரசு வெளியிட்டுள்ள பணி நியமன அறிவிப்பின் முக்கிய விவரங்கள்: தமிழக அரசின் மருத்துவம் மற்றும் ஊரக சுகாதாரப் பணிகள் மற்றும் மருத்துவக் கல்வி மற்றும் ஆராய்ச்சி இயக்குநரகங்களின் கட்டுப்பாட்டில் உள்ள ஒருங்கிணைந்த அவசரகால மகப்பேறு மற்றும் பச்சிளங்குழந்தை பராமரிப்பு (CEmONC) மையங்களில் (SNCU மற்றும் PICU உட்பட) இந்த நியமனங்கள் நடைபெற உள்ளன.

TN Invites Applications for 1,695 Contractual Nurse Posts with ‘No Permanency’ Clause; Contrasts with TVK’s 2026 Poll Manifesto

  • பதவியின் பெயர்: செவிலியர் (Staff Nurse – ஒப்பந்த அடிப்படையில்)

  • மொத்த காலிப்பணியிடங்கள்: 1,695

  • மாத ஊதியம்: ரூ.21,000/- (மாதம் ஒன்றுக்கு)

  • வயது வரம்பு: 50 வயது வரை

  • கல்வித் தகுதி: மாநில அரசால் அங்கீகரிக்கப்பட்ட அரசு அல்லது அரசு அங்கீகாரம் பெற்ற தனியார் செவிலியர் கல்லூரிகளில் செவிலியர் பட்டயப் படிப்பு (GNM) அல்லது இளங்கலை செவிலியர் பட்டம் (B.Sc Nursing) முடித்திருக்க வேண்டும்; தமிழ்நாடு நர்சிங் கவுன்சிலில் பதிவு செய்திருக்க வேண்டும்.

  • விண்ணப்பிக்கக் கடைசி நாள்: பூர்த்தி செய்யப்பட்ட விண்ணப்பங்களைத் தகுந்த ஆவண நகல்களுடன் சம்பந்தப்பட்ட மாவட்ட நலவாழ்வு சங்கம் / நகர நலவாழ்வு சங்கம் அலுவலகத்திற்கு 04.12.2026 மாலை 5 மணிக்குள் சமர்ப்பிக்க வேண்டும். விண்ணப்பப் படிவங்கள் மற்றும் மாவட்ட வாரியான காலிப்பணியிட விவரங்களை [https://nhm.tn.gov.in/] என்ற இணையதளத்தில் பதிவிறக்கம் செய்து கொள்ளலாம். 

சர்ச்சைக்குரிய நிபந்தனையும், 2026 தேர்தல் வாக்குறுதியும்: அரசாணை எண் 427 (நாள்: 18.11.2026)-ன் படி நடைபெறும் இந்தப் பணி நியமன அறிவிப்பின் குறிப்பு பகுதியில், “இப்பணியிடங்கள் முற்றிலும் தற்காலிகமான ஒப்பந்த அடிப்படையிலானவை; பணி நிரந்தரம் கோர இயலாது” எனத் தெளிவாகக் குறிப்பிடப்பட்டுள்ளது.

அதேசமயம், 2026 சட்டமன்றத் தேர்தலின் போது தமிழக வெற்றிக் கழகம் வெளியிட்ட ‘மக்களின் தேர்தல் அறிக்கை 2026’-ல், அரசு ஊழியர் நலன் பிரிவின் கீழ் 3-வது வாக்குறுதியாக பின்வருமாறு தெரிவிக்கப்பட்டிருந்தது:

“தற்காலிகப் பணியாளர் பணி நிரந்தரம்: ஆசிரியர், செவிலியர் உள்ளிட்ட அரசுப் பணிகளில் ஒப்பந்த அடிப்படையில் நியமனம் செய்யப்பட்ட தற்காலிகப் பணியாளர்கள் 5 வருடப் பணி அனுபவம் பெற்றதும், அவர்கள் நிரந்தரப் பணியாளர்களாக நியமனம் செய்யப்படுவார்கள்.”

தேர்தல் அறிக்கையில் ஒப்பந்த செவிலியர்களுக்குப் பணி நிரந்தரம் வழங்கப்படும் என உறுதியளிக்கப்பட்டிருந்த நிலையில், தற்போது வெளியிடப்பட்டுள்ள அரசின் புதிய பணி நியமன அறிவிப்பிலும் ஒப்பந்த அடிப்படையிலான தற்காலிகப் பணியிடங்களே உருவாக்கப்பட்டு, ‘பணி நிரந்தரம் கோர இயலாது’ என்ற நிபந்தனை விதிக்கப்பட்டிருப்பது செவிலியர் சங்கங்கள் மற்றும் எதிர்க்கட்சிகளிடையே விமர்சனங்களை எழுப்பியுள்ளது.

நாகர்கோவில்: அடுத்தடுத்து 3 கடைகளில் அரங்கேறிய கொள்ளை.. முகமூடி கொள்ளையர்களால் வியாபாரிகள் அச்சம்..!


MUST READ