நாளை பள்ளிகள் இயங்கும் என அறிவிப்பு
தமிழ்நாடு முழுவதும் நாளை சனிக்கிழமை பள்ளிகள் முழுவேலைநாளாக இயங்கும் என அரசு அறிவிக்கப்பட்டுள்ளது.
நாளை அனைத்து அரசு மற்றும் அரசு உதவி பெறும் பள்ளிகளுக்கு வேலை நாளாக அறிவிக்கப்பட்டுள்ளது. முன்னாள் முதலமைச்சர் காமராஜர் பிறந்தநாள், கல்வி வளர்ச்சி தினமாக கொண்டாடப்படுவதால் நாளை பள்ளிகள் செயல்பட உள்ளது. காமராஜரின் புகைப்படத்திற்கு மரியாதை செலுத்தவும், பேச்சுப்போட்டி , ஓவியப்போட்டி , கட்டுரைப் போட்டி , கவிதைப் போட்டி போன்றவற்றை நடத்திடவும் பள்ளிக்கல்வித்துறை உத்தரவு பிறப்பித்துள்ளது.
இதேபோல் புதுச்சேரியின் 4 பிராந்தியங்களிலும் அனைத்து பள்ளிகளுக்கும் ஜூலை 22 ஆம் தேதி விடுமுறை அளிக்கப்பட்டுள்ளது. மழைக்கு அளித்த விடுமுறைக்கு ஈடாக ஜூலை 22 ஆம் தேதி பள்ளிகள் இயங்கும் என ஏற்கனவே அறிவிக்கப்பட்ட நிலையில், ஜூலை 22-க்கு பதில் காமராஜர் பிறந்தநாளான ஜூலை 15ல் பள்ளிகள் இயங்கும், அன்று மதிய உணவுடன் பாயாசம் வழங்கப்படும் என புதுவை கல்வித்துறை அறிவிப்பு வெளியிட்டுள்ளது.