“இந்தியாவுக்கே வழிகாட்டும் வரலாற்று கடமையை நாம் செய்து வருகிறோம்” -நிதியமைச்சர் தங்கம் தென்னரசு

சட்டப்பேரவையில் 2026-27 ஆம் நிதி ஆண்டுக்கான இடைக்கால பட்ஜெட்டை அமைச்சர் தங்கம் தென்னரசு தாக்கல் செய்து வருகிறாா். தேர்தலையொட்டி, பல்வேறு புதிய அறிவிப்புகளை வெளியிட அரசு திட்டமிட்டுள்ளது. குறிப்பாக, மகளிர் உரிமைத்தொகை உயர்வுக்கான நிதி மற்றம் காலை உணவுத் திட்டம்,இளைஞர்களுக்கு வேலைவாய்ப்பு உள்ளிட்ட பல்வேறு அறிவிப்புகள் இடம் பெற வாய்ப்புள்ளதாக கூறப்படுகிறது.தமிழக சட்டப்பேரவையில் 2026–27 ஆம் நிதியாண்டுக்கான இடைக்கால பட்ஜெட்டை நிதி அமைச்சர் தங்கம் தென்னரசு தாக்கல் செய்து வருகிறார். சட்டப்பேரவைத் தேர்தல் நெருங்கி வருவதையொட்டி, மக்களைக் கவரும் பல்வேறு புதிய அறிவிப்புகள் இடம்பெறும் வாய்ப்பு இருப்பதாக முன்கூட்டியே தகவல் வெளியாகியிருந்தது. அதன்படி, மகளிர் உரிமைத்தொகை உயர்வு, காலை உணவுத் திட்டம் விரிவு, இளைஞர்களுக்கு வேலைவாய்ப்பு உருவாக்கம், செயற்கை நுண்ணறிவு துறையில் முன்னேற்றத் திட்டங்கள் உள்ளிட்ட பல்வேறு அம்சங்கள் இடம்பெற்றுள்ளன.

அமைச்சர் தனது உரையில், “கடைக்கோடி தமிழரும் தமிழ்நாட்டின் வளர்ச்சிப் பயணத்தில் பங்குபெறும் சூழலை உருவாக்கியுள்ளோம். மாநிலத்தின் வளர்ச்சியை முதலமைச்சர் மு.க.ஸ்டாலின் வழிநடத்தி வருகிறார்” என்று குறிப்பிட்டார். மேலும், இந்தியாவின் 2வது பெரிய பொருளாதார மாநிலமாக தமிழ்நாடு திகழ்வதாகவும், இரட்டை இலக்க பொருளாதார வளர்ச்சி இலக்கை அடைய பல்வேறு திட்டங்கள் செயல்படுத்தப்பட்டுள்ளதாகவும் தெரிவித்தார்.

4 புதிய அருங்காட்சியங்கள் – ரூ.285 கோடி
தமிழர் வரலாறு, மொழி, பண்பாட்டைப் பறைசாற்றும் வகையில் ரூ.285 கோடி மதிப்பில் 4 புதிய அருங்காட்சியங்கள் அமைக்கப்படும் என அறிவிக்கப்பட்டது. திருக்குறளை ஐக்கிய நாடுகள் சபையின் அதிகாரப்பூர்வ மொழிகளில் மொழிபெயர்க்கும் பணி நடைபெற்று வருவதாகவும் அமைச்சர் தெரிவித்தார். மேலும், ஜனவரி 25 தமிழ் மொழி தியாகிகள் நாளாக அறிவிக்கப்பட்டுள்ளது என்றும் கூறினார்.

இலங்கை தமிழர்களுக்கு 10,469 வீடுகள்
அயலகத் தமிழர் நலத்துறை சார்பில் இலங்கைத் தமிழர்களுக்காக 10,469 புதிய வீடுகள் கட்டித் தர ரூ.630 கோடி ஒதுக்கீடு செய்யப்பட்டுள்ளது. டிட்வா புயலின்போது பாதிக்கப்பட்ட மக்களுக்கு 950 டன் நிவாரணப் பொருட்கள் வழங்கப்பட்டதாகவும் அமைச்சர் குறிப்பிட்டார்.

மகளிர் நலத் திட்டங்கள் – இன்ப அதிர்ச்சி
மகளிர் உரிமைத்தொகை திட்டத்தின் கீழ் 1.31 கோடி பெண்களின் வங்கி கணக்கில் தலா ரூ.5,000 வழங்கப்பட்டதாக அமைச்சர் தெரிவித்தார். பிப்ரவரி, மார்ச், ஏப்ரல் மாத தவணைகளுக்கான ரூ.3,000 மற்றும் கோடைக்கால சிறப்புத் தொகுப்பாக ரூ.2,000 வழங்கப்பட்டுள்ளது. இதற்காக ரூ.6,500 கோடி ஒதுக்கீடு செய்யப்பட்டுள்ளது.

10 லட்சம் ரூபாய்க்கு குறைவான சொத்து பத்திரப் பதிவுகள் பெண்களின் பெயரில் செய்யப்பட்டால் 1% பதிவுக் கட்டணக் குறைப்பு வழங்கப்பட்டு, இதுவரை 3.71 லட்சம் பெண்கள் பயனடைந்துள்ளனர்.

மேலும், 6 லட்சம் மகளிர் சுயஉதவிக்குழுக்களுக்கு ரூ.1.40 லட்சம் கோடி கடன் வழங்கப்பட்டுள்ளது. பணிபுரியும் மகளிருக்காக வேலை இடங்களிலேயே குழந்தை காப்பகங்கள் அமைக்கப்பட்டுள்ளன. “அன்புகரங்கள்” திட்டத்தின் கீழ் 10,637 குழந்தைகள் பயனடைந்துள்ளனர். மாநிலம் முழுவதும் 19 இடங்களில் “தோழி” விடுதிகள் செயல்படுகின்றன.

மாற்றுத் திறனாளிகள் நலன்
மாற்றுத் திறனாளிகள் நலத்துறைக்கு ரூ.1,471 கோடி ஒதுக்கீடு செய்யப்பட்டுள்ளது. மாதாந்திர உதவித்தொகை ரூ.1,500 ஆக உயர்த்தப்பட்டுள்ளது. பராமரிப்பு உதவித்தொகையாக மாதம் ரூ.2,000 வழங்கப்படுகிறது. உள்ளாட்சி அமைப்புகளில் 3,632 மாற்றுத் திறனாளிகள் நியமன உறுப்பினர்களாக நியமிக்கப்பட்டுள்ளனர்.

சமூகப் பாதுகாப்பு மற்றும் மூத்த குடிமக்கள்
சமூகப் பாதுகாப்பு ஓய்வூதியத்திற்காக ரூ.5,463 கோடி ஒதுக்கப்பட்டுள்ளது. “தாயுமானவர்” திட்டத்தின் மூலம் 27 லட்சம் மூத்த குடிமக்கள் பயன்பெற்றுள்ளனர்.

துறைவாரியான நிதி ஒதுக்கீடு

• பள்ளிக்கல்வி – ரூ.48,534 கோடி
• ஊரக வளர்ச்சி – ரூ.28,687 கோடி
• மருத்துவம் – ரூ.22,090 கோடி
• உயர்கல்வி – ரூ.8,505 கோடி
• மாற்றுத் திறனாளிகள் நலத்துறை – ரூ.1,471 கோடி
• சிறப்பு திட்ட செயலாக்கம் – ரூ.17,088 கோடி
• தொழிலாளர் நலன் – ரூ.1,996 கோடி
• இளைஞர் நலன் மற்றும் மேம்பாடு – ரூ.718 கோடி
• ரூ.1,070 கோடியில் டைடல் பூங்காக்கள்

திருச்சி, மதுரை மற்றும் ஓசூரில் ஆகிய நகரங்களில் ரூ.1,070 கோடி மதிப்பில் புதிய டைடல் பூங்காக்கள் அமைக்கப்படுகின்றன. கடந்த 5 ஆண்டுகளில் 18 புதிய தொழிற்பேட்டைகள் உருவாக்கப்பட்டுள்ளன.

“கலைஞர் கனவு இல்லம்” திட்டத்தின் கீழ் கூடுதலாக 1 லட்சம் வீடுகள் கட்டித் தரப்படும் எனவும் அமைச்சர் அறிவித்தார்.

சட்டப்பேரவை கூட்டத் தொடர்
இடைக்கால பட்ஜெட் தாக்கலுக்குப் பின்னர், சட்டப்பேரவையை எத்தனை நாள்கள் நடத்துவது என்பது குறித்து சபாநாயகர் M. Appavu தலைமையில் நடைபெறும் அலுவல் ஆய்வுக் குழுவில் தீர்மானிக்கப்படும்.

மொத்தத்தில், 2026–27 இடைக்கால பட்ஜெட் பெண்கள், மாற்றுத் திறனாளிகள், இளைஞர்கள், தொழில் வளர்ச்சி மற்றும் சமூகப் பாதுகாப்பு ஆகிய துறைகளில் விரிவான நலத் திட்டங்களை மையப்படுத்தியதாக அமைந்துள்ளது.

“தமிழ்நாட்டின் தொழில்துறை வலுவான கட்டமைப்புடன் உள்ளது” – ஜெயரஞ்சன்